2011年12月16日星期五

鋪地板


裝修其中一項大項就是換地板. 地磚 / 實木地板 / 無縫地板 都各有優劣, 以下根據個人經驗同理解遂一分析.

地磚 ($10-$60 / 呎連工包料)
好處: 相比起木地板, 同等價錢已可以買到十分優質的地磚. 價錢上有一定優勢, 其實 $25 以上已經好靚; 地磚打理亦方便, 又冇防水的問題.
壞處: 個人認為地磚的壞處係冬天會凍; 而小朋友/長者在地磚又比較容易滑倒.

實木地板
好處: 不論係柚木/橡木/檀香木, 實木地板都十分美觀, 紋理亦靚. 宜家仲有d實木地板係唔須要在面頭打蠟, 啞面亦可以. 增加左設計上的彈性.
壞處: 最大的死症係熱漲冷縮的問題. 尤其係西斜的單位, 無論d 木點靚, 手工幾好, 用上幾年就因為熱漲冷縮的關係, 導致木板之間爆開裂縫, 面頭的蠟亦都會裂開, 極為不雅, 亦藏污納垢…; 另外實木亦有蟲蛀的風險.

 爆左的金橡木:


無縫地板 ($8-$80 / 呎連工包料 / 價錢平的來自馬來西亞/大陸, 中高價錢地板來自西歐,北歐及美國等等)
好處: 浮裝的無縫地板唔會有熱漲冷縮的問題; 顏色/紋理選擇多. 設計上容易配襯.
壞處: 手工 / 質量唔好的無縫地板會有發聲的問題, 要小心選擇; 板面感覺較實木低檔次; 打理時候亦要注意水的問題; 由於浮裝(即不用落釘)的關係, 部份牌子的地腳線會同板面上有一條小縫, 仔細一看亦唔好睇, 亦有機會藏污納垢.

Quickstep無縫地板
由於之前的屋用過地磚同埋實木地板, 而無縫地板近年又改良唔少, 最後屋企都係用左無縫地板. 牌子方面, study pergo, balterio, quickstep, 最後都係用了比利時製造的 quickstep. 大家如果要比較, 可以到旺角上海街/灣仔駱克等的地板鋪頭拎板材睇下, 睇下d salemen 點講, 然後再去各大牌子的外國官網 (因為香港的網多數冇野睇) 睇下, 一定會搵到自己鍾意的牌子.

選擇 quickstep 的原因因為佢o係香港有原廠代理, 安裝的師父相信會比較熟手. 600 幾呎的地方實際安裝了 315呎左右 (已包損耗, 只鋪廳房). $50-$60/呎來計, 600 幾呎的地方大約鋪了$20,000. 有以下幾點須要注意:

~ 如果原有地台夠平坦, Quickstep 是可以鋪上原有地台的.
~ Quickstep的板材連板下的珍珠綿大約 8 – 13mm , 如果不清走原有地台, 門腳必須刨低.
~ 安裝地板的日子應該安排o係牆身油完第二層油漆後, 因為安裝腳線時會刮花牆身漆油. 第三層以後的油漆可以補去花痕.
~ 安裝後一定要鋪上保護板, 以免打後裝修工具刮花地板表面.

用後感
~ Quickstep 完全冇聲音問題, 師父呢方面的手工非常好.
~ 地腳線會同板面上有一條小縫, 仔細一看唔好睇.
~ 個人經歷: 地腳線安裝不太穩 (主要用強力膠水 / 氣壓釘), 相信日後會掉落.
~ 板面極之耐用, 我跌過刀及鎚仔都冇花. 平日拖台拖家私亦冇問題.
~ 防水 performance 唔錯, 非常容易打理.
~ 我用的是 UM 1304, 淺灰橡木色 (好襯 muji 家具)

Official website:
www.quickstep.com


JUN 2016:
QUICK STEP 用了5 年,開始有D毛病,我會寫篇五年後的用後感。大家可以BOOKMARK 這BLOG 後再回來看,或者SEND EMAIL 給我。

11 則留言:

  1. hello, 我都考慮緊用無縫地板, 想問 -- 地腳線安裝不太穩 <-- 呢個係咩意思 ?

    回覆刪除
    回覆
    1. Hi! 佢用氣壓釘及強力膠水碰落牆腳,所以感覺不太實凈,宜家用左兩年未見有事。不過千萬唔好將door holder (hold 住門嗰舊磁鐵裝上腳線,腳線耐左一定鬆出來!

      刪除
  2. 請問唔拆原有地腳線可唔可以裝地板

    回覆刪除
  3. hi你的無縫地板仲ok嗎?我考慮緊鋪

    回覆刪除
    回覆
    1. 地板ok的!夠硬,耐花痕。腳線就不太ok。角位有脫落。

      刪除
  4. 東昇兄,期待你的5年後感文章,小弟都準備裝修中,唔知用磚定纖維板好……

    回覆刪除
  5. 我都好想知有咩問題出現左 因為我都要裝修了

    回覆刪除
  6. 有小部份地腳線脫下來...

    回覆刪除
  7. 請問如果再裝修,您會選擇Quick Step 的無縫地板還是木紋磚或者實木復合地板?本人馬上要裝修,正糾結於地板材料……謝謝寶貴建議

    回覆刪除
    回覆
    1. 不會考慮木紋磚;應會試實木復合地板。

      刪除

免責聲明

本網頁純屬網誌,一切言論純粹是個人意見。本人亦無法保證網誌內容的真確性和完整性。無論在任何情況下,不應被視為投資建議,也不應被成要約、招攬、邀請、誘使、建議或推薦。 讀者一切的投資決定以及該投資決定引致的收益或損失,概與本人無關。

筆者不是證監會持牌人士,不能提供任何投資意見。

Follow by Email

I Love Travel

除左投資,我其實好鍾意去旅行,去過的地方:
北京 天津 武漢 廣州 珠海 台北 高雄 墾丁 曼谷 蘇梅 清邁 新加玻 民丹島 首爾 春川 內藏山 井邑 東京 大板 京都 奈良 神戶白濱 富士河口湖 名古屋 犬山 白川鄉 長島 鈴鹿 千葉 佐倉 那霸 明護 倫敦 劍橋 溫莎 巴夫 溫特米爾 列斯 愛丁堡 巴黎 里昂 梵爾賽 茵特拉肯 少女峰 洛森 羅馬 比薩 佛羅倫斯 米蘭 威尼斯 梵蒂崗 烏德勒支 阿姆斯特丹 鹿特丹 尼斯 沙巴 神山

關於我

我的相片
東昇 是土生土長的香港 80 後,和很多香港人一樣,沒有家底,畢業後所有事都是靠自己的。19 歲開始投資股票,27歲獨力上車,現在向財務自由第一個milestone努力中。 希望在此分享投資心得及經驗。 我這個實在的上車故事,總可以給人們一些不離地又沒有嘩眾的分享吧? 歡迎留言/電郵,一定解答。 Contact: hkgconsumer@gmail.com