2017年3月19日星期日

小東昇的 BB 基金

自從上年年中得知有了小東昇之後,筆者即時從資產當中抽一部份作為小兒的大學教育基金。當日構思如下:

  • 本金 $50,000  元
  • 每月再投入 $ 2,000 元
  • 利是錢全數撥入基金
  • 所有股息再投資
目標年回報率 8%;跟據錢家有道的計算,這樣的操作會為基金 18 年後帶來的總值會是:

https://www.thechinfamily.hk/tools/tc/saving.html

$1,170.201.0





百萬多一點的現金其實不是很多,因為沒有考慮到通脹。財務分析上,理應將18年後的價值計回一個現值 (Present Worth) 來顯示。

為了令讀者容易明白,我嘗試用物價增幅來說明。假設年複合通脹率為 3%,

2017 年的本地大學學費為:$42,100
2035 年的估算本地大學學費為:$71,672

2017 年的假設本地大學學生年生活費為:$36,000
2035 年的假設本地大學學生年生活費為:$61,288

2035 年 4 年的學位洗費為: $531,840;  基金大約能提供 200%的覆蓋。
-------

2017 年的假設英國大學學費為(全期):HKD$300,000
2035 年的估算英國大學學費為(全期):HKD$510,729

2017 年的假設英國大學學生年生活費為:$100,000
2035 年的假設英國大學學生年生活費為:$170,243

2035 年 4 年的英國洗費為: $1,119,701;  基金大約能提供接近 100%的覆蓋。

以上回報及假設的通脹都是 assumptions. 最後做不到,也不擔心。當年我們也是身無分文去上香港大學,最後三年後畢業竟有自己資產。當沒錢的時候,人就會想辦法賺錢,做兼職、補習、小生意等無所不用其極。

新一代確實比我們幸福,但他們面對的世界也是殘酷及充滿競爭。

儘量給他們易走的路吧。

幼兒基金買入了 TESLA, 置富 778 及比亞迪 1211.

 你可能有興趣:

自己的錢自己管

52 則留言:

  1. 正!! 小東昇可以靠父幹~
    不過最重要的父幹應該是..
    由爸爸傳承的理財觀念、財商及價值投資吧!!

    回覆刪除
    回覆
    1. 小東昇好快就識買股票😂

      刪除
    2. 哈哈哈哈我太太話唔好比佢知有呢個基金!

      刪除
  2. 我對自制教育基金呢個話題好有興趣,長遠得黎又唔可以風險太大,希望東昇兄可以多分享。

    我月供港鐵、恆生中,呢家考慮加多一隻。

    回覆刪除
    回覆
    1. 風險還可以接受。因年期長,我傾向投資一些未來會主導社會的企業。電動車、OLED、VR、人工智能、物聯網等領域

      刪除
  3. 非常好,記住定期講下這基金動向。

    回覆刪除
    回覆
    1. 好. 但不會像50 萬倉地公開及頻頻更新.

      刪除
  4. 已開始行動這基金?價位不太高嗎?

    回覆刪除
    回覆
    1. 上年年中已動. 因持倉18年, 短期高低並不太在意; 老實說, 倉內回報現是負數.

      刪除
  5. 而家興買定層收租樓比佢收租呢~
    或者以讀書制讀書, 買呢個
    https://hk.finance.yahoo.com/q?s=NAVI
    大學貸款!

    回覆刪除
    回覆
    1. HAHHA 小弟不才冇錢買樓比佢. 騙佢利是還可以的.

      刪除
  6. 我第一眼剩係留意到「利是錢全數撥入基金」
    ( ͡° ͜ʖ ͡°)

    回覆刪除
    回覆
    1. 騙局一個, 哈哈.
      順帶一提, 太太話如果佢唔乖, 就虧空佢個基金.

      刪除
    2. 哈哈, 我自己覺得留少少錢細路仔管都唔係壞事

      刪除
  7. 小東昇好得意!
    我自己就對幼兒基金無乜興趣,第時供到佢讀書就供,供唔起叫佢自己申請貸款,當年自己都係咁樣捱過來。我從無諗過俾父幹佢,最好就似美國人咁,仔女成年後就搬出去住,自己顧自己...可能以依家標準我唔係一個好爸爸啦。

    回覆刪除
    回覆
    1. 都係果句, 幫到就幫. 幫唔到佢要靠自己了.

      刪除
  8. 前二天剛好與飛鳥兄談論為孩子月供股票,今天就見到東昇兄的文章,真巧合!

    (^_^)

    港股月供有好多銀行可以選擇, TELSA 不知道又可以在哪𥚃月供呢? 請教!

    回覆刪除
    回覆
    1. 我地這些爸爸們都係傾呢D 吧..........我不知道香港可以月供美股. 我會儲埋再一次入. 順帶一提, 由於這 SO CALL 基金是自己管理的, 不用太過嚴格, 如果見到價錢好, 基金理論上的錢不夠, 我還是會買; 等他的理論上的錢足夠時, 我會把買入的股撥入.

      刪除
  9. 小東昇對手仔好可愛,好似識得捉住張被

    我自己都有幫仔女投資,會將佢哋既閒錢買入我自己操作的投資基金,計番佢哋有幾多個基金單位

    回覆刪除
  10. 東昇兄

    想了解下點解揀置富?而唔揀領展。。

    Alan Mak

    回覆刪除
    回覆
    1. 東昇太多領展;小東昇買點置富平衡下。置富折讓大,超長線投資有點著數。

      刪除
  11. 每年8% 好勁wo, 不知開唔開放集資? :P

    回覆刪除
  12. 儲定畢錢做咩都好 一定冇壞 想當年 我口口聲聲話 吳供個仔讀書叫佢靠自己 讀吳到做野 ....最後阿仔比香港的教育折騰一番後, 我還是讓他到美國去。 今年他UCLA畢業了,證明他是可以做到的。我慶幸當日有儲了些錢, 給了他一個機會,往後的日子就讓他去飛好了

    回覆刪除
    回覆
    1. 你講中我了. 想當年我考了獎學金到 UCLA 讀 MASTER, 但生活費要自理, 結果要出來做野, 晚上在香港 PART TIME 讀 MASTER. 有個錢, 多個選擇而已.

      刪除
  13. 東昇兄計劃好長遠,小東昇可能18歲就已經財自,比現時一眾bloggers還早呢!

    回覆刪除
    回覆
    1. 我在風暴兄的BLOG 學到一個CONCEPT 是財務自由的永續, 就是希望財產可以留給後人, 將財務自由繼續做下去.

      刪除
  14. 只怕18年后讀大學是負回報,真係替依加D細路擔心..

    回覆刪除
  15. 最緊要教識佢正確的理財觀呀。我都有在建行幫阿囡開咗個兒童戶口,貪佢張提款卡可以用家庭相片做底,還可以年年換,當然仲有小朋友贈品。

    回覆刪除
  16. 恭喜東昇兄榮升做爸爸! 祝BB快高長大,建康快樂!

    回覆刪除
  17. 恭喜東昇兄
    剛好小弟前2天正和冰兄在討論幼兒基金在股票行還是証卷行開戶好。。。現在仍是跟老婆的股票戶口

    回覆刪除
    回覆
    1. 寫錯,是考慮在銀行或股票行開戶好,有關手續費的問題

      刪除
    2. 銀行穩陣,基金屬長線

      刪除
  18. 祝福小東昇身體健康,,快高長大,,
    佢有一個咁好的父親必定好過佢將有一大筆錢財,,
    佢的財商靠你了,,將來有個富腦袋呢,,
    努力,,祝福你一家,,
    cleverpeople...

    回覆刪除
  19. 幼兒基金買入了 TESLA, 置富 778 及比亞迪 1211.\

    個人覺得DIS都ok

    回覆刪除
    回覆
    1. Disney on the list! 每月得$2000 未能隨心所欲地買。

      刪除
  20. 1211現以月供形式會否太遲

    回覆刪除

免責聲明

本網頁純屬網誌,一切言論純粹是個人意見。本人亦無法保證網誌內容的真確性和完整性。無論在任何情況下,不應被視為投資建議,也不應被成要約、招攬、邀請、誘使、建議或推薦。 讀者一切的投資決定以及該投資決定引致的收益或損失,概與本人無關。

筆者不是證監會持牌人士,不能提供任何投資意見。

Follow by Email

I Love Travel

除左投資,我其實好鍾意去旅行,去過的地方:
北京 天津 武漢 廣州 珠海 台北 高雄 墾丁 曼谷 蘇梅 清邁 新加玻 民丹島 首爾 春川 內藏山 井邑 東京 大板 京都 奈良 神戶白濱 富士河口湖 名古屋 犬山 白川鄉 長島 鈴鹿 千葉 佐倉 那霸 明護 倫敦 劍橋 溫莎 巴夫 溫特米爾 列斯 愛丁堡 巴黎 里昂 梵爾賽 茵特拉肯 少女峰 洛森 羅馬 比薩 佛羅倫斯 米蘭 威尼斯 梵蒂崗 烏德勒支 阿姆斯特丹 鹿特丹 尼斯 沙巴 神山

關於我

我的相片
東昇 是土生土長的香港 80 後,和很多香港人一樣,沒有家底,畢業後所有事都是靠自己的。19 歲開始投資股票,27歲獨力上車,現在向財務自由第一個milestone努力中。 希望在此分享投資心得及經驗。 我這個實在的上車故事,總可以給人們一些不離地又沒有嘩眾的分享吧? 歡迎留言/電郵,一定解答。 Contact: hkgconsumer@gmail.com